| <p>1</p> <p>Allah mbabarken kwasanya, pra kang nglawan buyar sirna</p> <p>lir lilin kénging brama, nging gung tyang mursid raharja,</p> <p>memuji lan sukarena, ngarseng Allah Mamulya.</p> <p>Pangèran jumeneng Rama tumrap salir tyang sangsara,</p> <p>ngluwari tyang siniya, temahan ngraosken begja.</p> <p>Déné tyang wangkot mbaléla siniksa bebendunya.</p> <p>2</p> <p>Allah mbélani pra umat ngagem sarana mukjijat wah salir kang neng jagad;</p> <p>Pangèran ngrentahken berkah kang nglimat sagunging titah, temah kraharjan anjrah.</p> <p>Wit kadarmaning Pangèran, tyang tinindhes kaluwaran,</p> <p>temah tan wonten panandhang ing rèhing Ratu Kaswargan.</p> <p>Dépara wadya-balanya, tyang nyebar kabar adya.</p> <p>3</p> <p>Allah Ratu kaadilan wus ngasorken pra adigang, temah kasurang-surang.</p> <p>Nging tyang ringkih ingauban, pinaringan gung kabegjan, karoban karaharjan.</p> <p>Gusti miji pasucènnya papan puruging manungsa,</p> <p>kinèn samya angabekti konjuk mring Allah Hyang Widi.</p> <p>Dalah kang swau mbaléla, nggih samya asung puja.</p> <p>4</p> <p>Allah Juruslamet yekti ngentas pra umat sing pati, temah samya basuki.</p> <p>Mila pra umat sabumi kedugi sami memuji, anggunggung maring Gusti.</p> <p>Sèstu Allah Mahaluhur, yogya pinuji lan masmur,</p> <p>Lestantuna nêng ngarsanya, wit mung Gusti Kang Makwasa,</p> <p>Yéku kang ngganjar kamulyan wah paring kakiyatan.</p> <p> </p> <p> </p> |
Cross Reff :
KJ 157 KK 211
| KPJ 2 | KPJ 4 |